banner
   sun 23. maí 2021 07:00
Victor Pálsson
Segir Liverpool að kaupa leikmann Brighton
Mynd: EPA
Liverpool ætti að ná í Yves Bissouma frá Brighton í sumar að sögn fyrrum leikmanns liðsins, John Barnes.

Bissouma er líklega á förum frá Brighton í sumarglugganum en fjölmörg félög eru talin vera á eftir þessum öfluga miðjumanni.

Arsenal er sterklega orðaður við leikmanninn sem var líklega besti leikmaður Brighton á tímabilinu.

Barnes vill sjá þá rauðklæddu reyna við Bissouma í sumar en hann er sjálfur sagður opinn fyrir því að fara í stærra félag.

„Liverpool ætti að kaupa Yves Bissouma frá Brighton," sagði Barnes í samtali við Goal.com.

„Miðað við hvað Liverpool vill þá er hann leikmaður sem hentar leikstíl liðsins."

Bissouma kom til Brighton fyrir þremur árum en hann var áður hjá Lille í Frakklandi.
Athugasemdir
banner
banner