Gylfi fékk tækifæri til að minnka muninn í 2-1 eftir að Kevin de Bruyne og Gabriel Jesus komu Man City 2-0 yfir.

Gylfi fór á vítapunktinn eftir að brotið var á Richarlison en Ederson, Brasilíumaðurinn í marki City, sá við honum.

Það voru vangaveltur um það hvort að Gylfi hefði ekki átt að fá að taka spyrnuna aftur þar sem menn voru mættir inn í teiginn áður en hann spyrnti í boltann.

Liverpool Echo segir frá því að Michael Oliver, dómari leiksins, og VAR hefðu tekið ákvörðun um að halda leik áfram þar sem enginn af þeim leikmönnum sem fóru snemma inn í teig höfðu áhrif á leikinn í kjölfarið.

Íslenski landsliðsmaðurinn átti flott tímabil með Everton og skoraði hann átta mark í 43 keppnisleikjum.