Aston Villa er svo gott sem búið að ganga frá samning við franska miðjumanninn Boubacar Kamara sem kemur til félagsins á frjálsri sölu frá Marseille.
Kamara er 22 ára gamall og hefur verið fastamaður í sterku liði Marseille undanfarin ár.
Kamara er varnartengiliður að upplagi en getur einnig spilað sem miðvörður.
Það verður áhugavert að fylgjast með Kamara í ensku úrvalsdeildinni en þessi kröftugi miðjumaður hefur verið lykilmaður í yngri landsliðum Frakka.
Hann á 48 leiki að baki fyrir yngri landsliðin og hefur í heildina spilað 170 keppnisleiki fyrir aðallið Marseille.
Manchester United var orðað við Kamara í janúar og var sagt hafa boðið Frakkanum fimm ára samning.
Athugasemdir