mán 23. maí 2022 13:30
Elvar Geir Magnússon
Leao valinn leikmaður tímabilsins á Ítalíu
Mynd: EPA
Rafael Leao hefur verið valinn besti leikmaður tímabilsins á Ítalíu en hann var lykilmaður hjá AC Milan sem tryggði sér ítalska meistaratitilinn í gær.

Liðsfélagar hans Pierre Kalulu og Fikayo Tomori komu einnig til greina sem og Ciro Immobile, markaskorari Lazio, og Milan Skriniar, varnarmaður Inter.

Rafael Leao átti frábært tímabil og steig upp á lokasprettinum. Hann skoraði fjórtán mörk á tímabilinu og mörg hver voru gríðarlega mikilvæg.

Þegar Milan þurfti mest á honum að halda þá brást portúgalski landsliðsmaðurinn ekki.
Athugasemdir
banner
banner
banner