Aron Jóhannsson og Clint Dempsey.
Aron Jóhannsson, sóknarmaður Werder Bremen, kveðst ekki sjá eftir þeirri ákvörðun sinni að spila fyrir bandaríska landsliðið frekar en það íslenska.
Aron fæddist í Bandaríkjunum en hann á íslenska foreldra og er uppalinn hér á landi. Hann spilaði í meistaraflokki með Fjölni í Grafarvogi.
Aron fæddist í Bandaríkjunum en hann á íslenska foreldra og er uppalinn hér á landi. Hann spilaði í meistaraflokki með Fjölni í Grafarvogi.
Aron kaus frekar að spila fyrir bandaríska landsliðið þar sem hann taldi sig eiga betri möguleika á því að spila fyrir það á stórmóti. Hann spilaði fyrir Bandaríkin á HM 2014, en nú er Ísland á HM, ekki Bandaríkin.
„Þú vilt vita hvort ég myndi taka sömu ákvörðun í dag?" segir Aron og hlær að því er kemur fram á Yahoo Sports.
„Já, ég myndi taka sömu ákvörðun. Ég segi það alltaf við vini og fjölskyldu, að spila fyrir Bandaríkin hefur verið ótrúlegt."
Aron á að baki 19 landsleiki fyrir Bandaríkin en síðasti leikur hans kom 2015. Hann hefur verið óheppinn með meiðsli síðustu ár.
Athugasemdir
