lau 23. júní 2018 22:30
Sigurður Eyjólfur Sigurjónsson
Musa ætlar sér að skora tvö mörk gegn Argentínu
Mynd: Getty Images
Ahmed Musa reyndist hetja Nígeríu í gær þegar liðið mætti Íslandi í 2. umferð D-riðils en Musa skoraði bæði mörk Nígeríu í 2-0 sigri.

Nígería fór með sigrinum í 2. sætið í riðlinum og er með 3 stig, sigri þeir Argentínu á þriðjudaginn fara þeir áfram í 16-liða úrslitin. Musa ætlar sér að skora tvö mörk í leiknum gegn Argentínu en hann hefur gaman af því að mæta Messi.

„Alltaf þegar ég spila á móti Argentínu og þegar ég mæti Messi þá skora ég tvö mörk, ég man að fyrir fjórum árum þegar við Messi mættumst í Brasilíu þá skoraði ég tvö mörk, ég spilaði einnig á móti Messi þegar Leicester og Barcelona mættust og þá skoraði ég tvö mörk."

„Í næsta leik getur allt gerst og ég ætla mér að skora tvö mörk," sagði Musa.
Athugasemdir
banner
banner
banner
banner
banner