Ágúst Þór Gylfason var ánægður með fyrsta sigur sinna manna eftir að tímabilið hófst fyrir alvöru eftir 3-0 sigur í Mjólkurbikarnum þegar Höttur/Huginn mætti í heimsókn á Vivaldivöllinn fyrr í kvöld.
Lestu um leikinn: Grótta 3 - 0 Höttur/Huginn
„Já þetta er eiginlega stórsigur fyrir okkur, gríðarlega mikilvægt fyrir okkur að fá fyrsta sigurinn á tímabilinu og mun hjálpa okkur í framhaldinu bæði í deild og í bikar.''
Grótta fékk nokkur góð færi í leiknum, var mögulega skortur á sjálfstrausti fyrir framan markið se, olli því að Grótta skoraði ekki meira í dag?
„Við erum ekki búnir að komast nálægt markinu í síðustu tveimur leikjum, við fengum upphlaup núna sem við máttum nýta betur en það stærsta í þessu er að vinna okkar fyrsta sigur, halda hreinu og fá góða frammistöðu, það er númer 1, 2 og 3 og mun hjálpa okkur í framhaldinu.''
Má búast við breytingum á leikmannahóp Gróttu fyrir gluggalok?
„Já ég loka ekki á neitt, við erum bara að skoða hlutina og það gæti alveg eins gerst en við sjáum til hvernig vikan verður.''
Athugasemdir
