Töfluröðun fyrir komandi tímabil í Championship-deildinni, ensku B-deildinni, var opinberuð í morgun.

Jóhann Berg Guðmundsson og félagar í Burnley leika opnunarleik deildarinnar þegar þeir heimsækja Huddersfield. Það verður fyrsti leikur Burnley undir stjórn Vincent Kompany.

Burnley féll úr ensku úrvalsdeildinni á liðnu tímabili ásamt Watford og Norwich City.

Nýliðar Sunderland mæta Coventry í fyrsta Championship leik liðsins í fjögur ár.

Rétt eins og í úrvalsdeildinni verður gert hlé á keppni á miðju tímabili vegna HM í Katar.