Valencia sem er 32 ára gamall entist aðeins í sjö mínútur í leiknum í gær. Hægri bakvörðurinn haltraði af velli með það sem leit út fyrir að vera meiðsli á kálfa og fór beint inn í búningsklefa. Matteo Darmian kom inn á í hans stað.

Það er áhyggjuefni fyrir Mourinho sem er nú þegar tæpur á leikmönnum eftir heimsmeistaramótið í Rússlandi. Knattspyrnustjórinn hafði tilkynnt að hann ætlaði sér að byrja tímabilið í ensku úrvalsdeildinni með fjögurra manna vörn og nota þá Valencia, Luke Shaw, Eric Bailly og Chris Smalling.

Nýjasta viðbótinn í hóp United, Diogo Dalot er meiddur þangað til í september og þá eru þeir Phil Jones, Ashley Young, Marcos Rojo og Victor Lindelof allir í fríi eftir heimsmeistarmótið.