Bakvörðurinn Felix Örn Friðriksson, sem leikið hefur með ÍBV, er á leið í dönsku úrvalsdeildina. Þetta staðfestir Páll Þorvaldur Hjarðar, formaður knattspyrnudeildar ÍBV, við Morgunblaðið.
Felix er aðeins 19 ára en hefur samt leikið stórt hlutverk frá síðasta keppnistímabili.
Á þessu keppnistímabili hefur Felix spilað 12 leiki af 13 í Pepsi-deild karla.
Felix lék sína fyrstu A-landsleiki í byrjun þessa árs gegn Indónesíu.
Felix fer út í vikunni en liðið sem um ræðir er Velje, sem er nýliði í dönsku úrvalsdeildinni. Velja hefur byrjað vel og er með fjögur stig eftir fyrstu tvo leiki sína. Liðið gerði jafnefli við Bröndby í gær.
Páll útilokar ekki að leikmaður verði fenginn til ÍBV áður en félagaskiptaglugginn lokar um mánaðarmótin.
Athugasemdir