Eysteinn Pétur Lárusson, framkvæmdastjóri Breiðabliks, staðfesti það við Fótbolta.net í dag að viðræður við Spezia um sölu á Sveini Aroni Guðjohnsen, séu á lokastigi.
Sveinn Aron, sem er fæddur árið 1998, er kominn með 4 mörk í öllum keppnum á þessu tímabili en er nú á leið til Ítalíu í B-deildina.
Breiðablik og Spezia hafa verið í viðræðum um leikmanninum á síðustu vikum og eru þær nú á lokastigi.
Eiður Smári Guðjohnsen og Bjarki Gunnlaugsson héldu út til Spezia á dögunum og skoðuðu aðstæður. Það reyndist jákvæð ferð og er útlit fyrir það að Sveinn skrifi undir hjá Spezia á næstunni.
„Ég get sagt þér það að viðræður eru á lokastigi við Spezia um Svein Aron og það skýrist allt á næstunni," sagði Eysteinn við Fótbolta.net í dag.
Sveinn Aron verður annar Íslendingurinn til þess að spila fyrir Spezia en Hörður Björgvin Magnússon var þar á láni frá Juventus tímabilið 2013-2014.
Athugasemdir