Juventus keypti McKennie frá þýska félaginu Schalke á síðasta ári en tímabilið áður hafði hann verið á láni hjá ítalska félaginu og staðið sig vel.

McKennie, sem er 23 ára gamall, er fastamaður á miðsvæðinu í bandaríska landsliðinu og er Allegri þeirrar skoðunar að hann sé besti Bandaríkjamaðurinn í Evrópuboltanum.

„McKennie er líklega besti Bandaríkjamaðurinn sem er að spila í Evrópu. Það er mjög mikilvægt fyrir hann að halda áfram að spila á þessu getustigi sem hann hefur sýnt hjá Juventus," sagði Allegri.

Bandaríkin á marga öfluga leikmenn í Evrópu en þar má nefna Sergino Dest, leikmann Barcelona, Tyler Adams, sem var að ganga í raðir Leeds frá Leipzig og Christian Pulisic hjá Chelsea.