Che Adams, sóknarmaður Southampton, skaut aðeins á Fred, miðjumann Manchester United, eftir jafntefli liðanna í ensku úrvalsdeildinni í gær.
Adams hélt að hann hefði skorað í leiknum en svo kom í ljós að markið var skráð sem sjálfsmark hjá Fred. Skot Adams hafði viðkomu í Fred á leiðinni í netið.
„Ég held að þeir hafi gefið honum (Fred) markið því hann skorar ekki mörg mörk. Ég tek stoðsendinguna," sagði Adams þegar honum var tjáð að markið væri ekki skráð á hann.
„Við börðumst vel og náðum stiginu. Þeir eru með frábært lið en við börðumst vel og náðum í verðskuldað stig."
Fred hefur skorað þrjú mörk fyrir Man Utd í ensku úrvalsdeildinni frá því hann kom til félagsins 2018. Hann skoraði gegn Leeds um síðustu helgi.
Hægt er að sjá markið úr leiknum með því að smella hérna.
Athugasemdir