Hollenska stórliðið Ajax er í viðræðum við FC Kaupmannahöfn um kaup á Mohamed Daramy.
FC Kaupmannahöfn staðfestir þetta á heimasíðu sinni. Þar kemur fram að Daramy hafi ekki áhuga á því að fara til Club Brugge í Belgíu og því hafi viðræðum við belgíska félagið verið slitið.
„Við getum staðfest að tilboð hefur borist frá Ajax í Mohamed Daramy," segir á vefsíðunni.
Daramy er 19 ára gamall kantmaður sem þykir mjög efnilegur. Ef hann fer til Hollands, þá gæti það skapað pláss fyrir eina af vonarstjörnum Íslands; Hákon Arnar Haraldsson.
Hákon Arnar er 18 ára gamall Skagmaður sem er hluti af aðalliðshópi FCK. Hann spilar á svipuðum stað á vellinum og Daramy. Hann kom inn á sínum fyrsta leik í dönsku úrvalsdeildinni í gær.
Athugasemdir