Leiknir R. og HK gerðu markalaust jafntefli á Domusnova-vellinum í Pepsi Max-deild karla í kvöld.

Heimamenn komu boltanum í netið á 21. mínútu. Bjarki Aðalsteinsson var þar að verki en markið var dæmt af. „Einhver hefur staðið fyrir Arnari Frey í markinu þar sem flaggið fór á loft, eða það hlýtur að vera. Sólon og Dagur stóðu í markteignum en ég sé ekki alveg hvað var að þessu marki," var sagt í textalýsingu Fótbolta.net.

Staðan í hálfleik var 0-0 en í byrjun síðari hálfleiks átti Ívar Örn Jónsson hörkuskot sem Guy Smit varði meistaralega.

HK-ingar komu sér í nokkur fín færi en vörn Leiknis gerði vel og niðurstaðan markalaust jafntefli.

Leiknismenn eru með 22 stig í 7. sæti þegar fjórir leikir eru eftir af deildinni á meðan HK er með 14 stig í næst neðsta sæti.