Sóknarmaðurinn Harry Kane kom inn á sem varamaður þegar Tottenham vann 1-0 sigur gegn Úlfunum í ensku úrvalsdeildinni í gær, sunnudag.
Kane hefur verið mikið í umræðunni upp á síðkastið. Hann vill komast frá Tottenham þar sem hann vill vinna titla. Manchester City er að reyna að kaupa hann en það gengur ekki rosalega vel.
Þegar Kane kom inn á sem varamaður í gær, þá myndaðist sannkallað söngstríð.
Stuðningsfólk Wolves byrjaði á því að syngja að Kane vildi drulla sér í burtu frá Tottenham. Stuðningsfólk Spurs svaraði: „Hann er einn af okkur."
Þegar Kane var kominn inn á, sungu stuðningsmenn Úlfana: „Það er bara einn gráðugur andskoti," og „Hann verður í Manchester í fyrramálið."
Stuðningsfólk Tottenham ákvað að svara því með: „Harry Kane, hann er metinn á meira en Wolves."
Stuðningsfólk Tottenham hló síðast, það fór heim með stigin þrjú.
Football is BACK pic.twitter.com/g3NRkXyQ6E
— SPORTbible (@sportbible) August 22, 2021
Athugasemdir