Núna klukkan 14:00 fer fram leikur KR og Fylkis í næstsíðustu umferð Pepsi-deildar karla á Alvogenvellinum. Heimamenn í KR eru ennþá í bullandi Evrópubaráttu og geta með hagstæðum úrslitum í leikjum dagsins gulltryggt Evrópusæti sitt.

Gestirnir í Fylki hafa þá einnig til mikils að vinna en liðið er ekki ennþá með öruggt sæti í deildinni að ári. En eins og með KR geta Fylkismenn tryggt áframhaldandi veru sinni í Pepsi-deildinni með hagstæðum úrslitum í dag. Byrjunarliðin eru nú klár.

Heimamenn gera tvær breytingar á liði sínu frá síðasta leik liðsins gegn Keflavík. Beitir Ólafsson kemur aftur í mark KR í stað Sindra Snæs og þá kemur Skúli Jón aftur úr leikbanni í stað Gunnars Þórs.

Gestirnir frá Árbænum gera þrjár breytingar á liði sínu. Helgi Valur Daníelsson, Valdimar Þór Ingimundarson og Hákon Ingi Jónsson koma allir út en inn í þeirra stað koma þeir Ásgeir Börkur Ásgeirsson, Emil Ásmundsson og Elís Rafn Björnsson.