Manchester City vann auðveldan 5-0 sigur gegn nýliðum Cardiff í ensku úrvalsdeildinni í gær.
Riyad Mahrez skoraði tvennu en Sergio Aguero, Bernardo Silva og Ilkay Gundogan voru líka á skotskónum.
Sá síðastnefndi var heppinn að sleppa við alvarleg meiðsli stuttu eftir að hann skoraði. Joe Ralls, leikmaður Cardiff, fór í mjög hættulega tæklingu á Gundogan.
Smelltu hér til að sjá tæklinguna. Ralls fékk gult spjald en á samfélagsmiðlum kölluðu stuðningsmenn Man City eftir rauðu spjaldi.
„Þetta er sársaukafullt en ég var heppinn," sagði Gundogan eftir leik að því er kemur fram á Wales Online. „Þetta var slæm tækling, því miður - en svona gerist."
Athugasemdir