Óli var ósáttur við það að fyrsta mark leiksins fékk að standa.

"Mikkelsen braut á Torfa í aðdraganda marksins.  Einhverra hluta vegna sjá þeir fjórir það ekki en það er svolítið týpískt fyrir sumarið okkar.  Þessi leikur er ekki ástæðan fyrir því að við féllum."

Hver er ástæðan fyrir því að Fjölnismenn féllu?

"Við gerðum alltof mikið af mistökum og þar ég meðtalinn, ég viðurkenni það hvort sem það er eðlilegt eða ekki.  Of dýr mistök verða þess valdandi að við fáum of fá stig i leikjum sem við áttum mögulega að taka eitthvað út úr en ég sem þjálfari liðsins ber fulla ábyrgð á stöðu mála.

Nú er bara að vinna að því að finna hvað er réttast fyrir Fjölni að gera sem klúbb."

Er hann þar að tala um sína stöðu sem þjálfara?

"Já. Auðvitað þarf að skoða það hvort ég er réttur aðili að vinna úr þeirri stöðu sem er.  Ég náði ekki að vinna úr okkar hóp, ég hafði miklar væntingar fyrir sumarið um að við gætum náð árangri en það gekk ekki."

Hefur hann áhuga á að halda starfinu áfram?

"Auðvitað hef ég áhuga á því, þetta er minn uppeldisklúbbur en ef klúbburinn metur að ég sé ekki réttur þá er það ekki spurning að ég verð að virða það."

Nánar er rætt við Ólaf í viðtalinu sem fylgir.