Lokaumferð færeysku úrvalsdeildarinnar verður leikin á laugardaginn en í Færeyjum stendur tímabilið yfir frá mars til loka október, allir vellirnir eru með gervigrasi.
Efsta deildin, Betri-deildin eins og hún heitir, er skipuð tíu liðum og leikin er þreföld umferð. Alls 27 umferðir.
Efsta deildin, Betri-deildin eins og hún heitir, er skipuð tíu liðum og leikin er þreföld umferð. Alls 27 umferðir.
Mótið hefur spilast á þann veg að í lokaumferðinni verður hreinn úrslitaleikur um Færeyjameistaratitilinn. B36 frá Þórshöfn tekur þá á móti KÍ frá Klaksvík. Bæði lið eru með 63 stig fyrir lokaumferðina en KÍ dugir jafntefli þar sem liðið hefur betri markatölu.
Mikil spenna er fyrir úrslitaleiknum í Færeyjum og hafa aðrir leikir umferðarinnar verið færðir fyrr á daginn svo allir geti séð sjálfan úrslitaleikinn.
Guðjón Þórðarson og lærisveinar Í NSÍ enda í þriðja sætinu en þeir eiga leik gegn ÍF frá Fuglafirði sem er í neðsta sætinu.
Heimir Guðjónsson og lærisveinar í HB eru í fjórða sæti en þeir eru ríkandi meistarar. Brynjar Hlöðversson spilar fyrir HB sem varð bikarmeistari á tímabilinu. Í lokaumferðinni mætir HB liði AB Argir á útivelli.
Athugasemdir