Karlsen segir að mikil trú sé á Jóhannesi og hann hafi ungt og spennandi lið í höndunum sem gæti fest sig í sessi í efstu deild með tíð og tíma.

Jóhannes tók við sem aðalþjálfari Start í apríl á þessu ári en hann hafði verið aðstoðarþjálfari Kjetil Rekdal sem var óvænt rekinn. Skagamaðurinn lék á sínum tíma með Start.

„Fyrst og fremst er mikill heiður að halda áfram í þessu starfi. Þá er þetta viðurkenning á góða hluti sem liðið hefur gert. Þetta hefur verið gott tímabil að mörgu hluti," segir Jóhannes sem vonast til að byggja enn frekar ofan á árangurinn í ár.

Það eru þrjár umferðir eftir af norsku B-deildinni en Start er í þriðja sæti, þremur stigum frá öðru sætinu. Tvö efstu lið deildarinnar fara beint upp í norsku úrvalsdeildina en liðin í sætum 3-6 fara í umspil.

Aron Sigurðarson leikur með Start en hann hefur skorað þrettán mörk á tímabilinu.