Burnley 1 - 0 Crystal Palace
1-0 Chris Wood ('8 )
1-0 Chris Wood ('8 )
Burnley lagði Crystal Palace að velli, 1-0, er liðin mættust á Turf Moor í ensku úrvalsdeildinni í kvöld. Chris Wood gerði eina markið í upphafi leiksins.
Wood kom Burnley á bragðið á 8. mínútu. Jóhann Berg Guðmundsson átti fyrirgjöf inn í teiginn en Cheikhou Kouyate tókst ekki að hreinsa boltann lengra en á Jay Rodriguez sem lagði upp fyrir Wood sem skoraði örugglega.
Staðan var 1-0 í hálfleik en Jóhann Berg var nálægt því að bæta við öðru marki á 56. mínútu en skot hans fór í þverslá. Hann fór af velli um það bil tíu mínútum síðar.
Nick Pope átti stóra vörslu undir lokin er Christian Benteke fékk boltann í teignum en Pope sá við honum. Lokatölur 1-0 fyrir Burnley sem er nú með fimm stig og komið úr fallsæti. Palace er áfram í 10. sæti með 13 stig.
Athugasemdir