Nítjándu umferð ensku úrvalsdeildarinnar lauk í kvöld með leik Leicester City og Manchester United þar sem fjögur mörk voru skoruð.

Það var Leicester City sem komst yfir í leiknum og markið skoraði Jamie Vardy eftir að Riyad Mahrez hafði lagt boltann fyrir fætur hans.

Juan Mata laumaði svo boltanum í netið á 39. mínútu og liðin voru jöfn þegar Moss dómari flautaði til loka fyrri hálfleiks.

Þegar fimmtán mínútur voru liðnar af seinni hálfleik skoraði Mata aftur og þá beint úr aukaspyrnu.

Daniel Amartey leikmaður Leicester fékk tvö gul spjöld með stuttu milli bili og þar með rautt, á 74. mínútu.

Það stefndi allt í sigur Manchester United þegar Harry Maguire skoraði á síðustu sekúndum uppbótartíma og jafnaði í 2-2.

Niðurstaðan á King Power vellinum, 2-2 jafntefli, heimamenn verða líklega aðeins sáttari á jólunum en gestirnir í Man Utd sem fengu svo sannarlega færi til að klára leikinn.