Bruno hefur verið magnaður frá því hann kom til United í janúar á þessu ári. Hann hefur skorað 25 mörk og lagt upp 15 í 42 leikjum fyrir liðið.

Hann var í viðtali við MUTV fyrir leikinn gegn Everton í kvöld og þar mátti heyra að hann sé með alvöru metnað og er ólmur í að gera enn betur.

„Eins og ég hef sagt áður, þetta er auðveldara í Manchester United því þú spilar með mörgum góðum leikmönnum," sagði Bruno.

„Þetta verður erfiðara eftir því sem leikirnir líða því andstæðingarnir munu þekkja mig betur. Ég er mjög sáttur með tölfræðina mína hingað til."

Bruno kom til United fyrir tæpar 50 milljónir punda og hefur eins og áður segir, slegið í gegn.

„Ég vil enda tímabilið í ensku úrvalsdeildinni á því að skora og leggja upp fleiri mörk samanlagt heldur en spilaða leiki."