Real Madrid sjóðurinn kynnir félagið og fótbolta út um allan heim. Sjóðurinn rekur íþróttaiðkun og fræðslu, og styður við bakið á jaðarhópum sérstaklega að því er kemur fram í grein Daily Mail.

Segja má að Casillas sé kominn heim en hann var lengi vel markvörður Real Madrid og er hann uppalinn hjá félaginu.

Casillas lagði hanskana á hilluna fyrr á þessu ári, 39 ára að aldri. Casillas fékk hjartaáfall á æfingu hjá Porto í maí í fyrra en er núna búinn að jafna sig á því.

Á ferli sínum vann Casillas fjölmarga titla með uppeldisfélagi sínu Real Madrid en hann gekk síðan í raðir Porto árið 2015. Þá vann hann HM 2010 sem og EM 2008 og 2012 með spænska landsliðinu.