Gylfi Þór Sigurðsson, besti leikmaður íslenska landsliðsins, kveðst vera ánægður með ráðninguna á Arnari Þór Viðarssyni sem nýjum landsliðsþjálfara.
Arnar var í gær ráðinn til starfa sem nýr landsliðsþjálfari. Hann tekur við starfinu af Erik Hamren. Með Arnari í starfinu verður Eiður Smári Guðjohnsen.
Arnar var í gær ráðinn til starfa sem nýr landsliðsþjálfari. Hann tekur við starfinu af Erik Hamren. Með Arnari í starfinu verður Eiður Smári Guðjohnsen.
„Mér líst bara vel á hann. Ég hef ekkert kynnst honum sem þjálfara, en ég hef bara heyrt góða hluti um hann. Hann hafði verið í þjálfun erlendis um nokkurt skeið áður en að hann kom heim. Vonandi kemur hann vel inn," sagði Gylfi í samtali við 433.is.
Undankeppnin fyrir HM í Katar 2022 verður leikin í heild sinni á næsta ári og þar er Ísland í riðli með Þýskalandi, Rúmeníu, Norður-Makedóníu, Armeníu og Liechtenstein. Arnar fer beint í alvöruna og fær enga æfingaleiki til að byrja með.
„Það eru mikilvægir tímar fram undan. Undankeppnin byrjar strax í mars og hann fær ekkert mikinn tíma til að koma inn með sínar hugmyndir. Það eru þrír leikir í mars, það er mikilvægt að við byrjum vel strax," segir Gylfi.
Athugasemdir