Inaki Williams, leikmaður Athletic Bilbao, missir ekki úr leik fyrir lið sitt í spænsku úrvalsdeildinni.
Williams er 26 ára gamall eldsnöggur framherji sem er uppalinn hjá Bilbao.
Frá tímabilinu 2016/17 hefur hann spilað alla 38 leiki Athletic Bilbao á hverju tímabili í spænsku úrvalsdeildinni. Hann hefur ekki byrjað þá alla, en hann hefur spilað í þeim öllum.
Hann spilaði 78 mínútur í gær og skoraði þegar Athletic Bilbao gerði 1-1 jafntefli við Villarreal á útivelli.
Með því að spila í leiknum tók hann fram úr Real Madrid goðsögninni Alfred Di Stefano yfir flesta leiki spilaða í röð í spænsku úrvalsdeildinni. Williams er núna búinn að spila 172 leiki í röð - án þess að missa úr einn leik - í La Liga. Metið er 202 leikir í röð og gæti Williams bætt það á næsta tímabili.
🥇 Larrañaga (202)
— LaLiga English (@LaLigaEN) December 22, 2020
🥈 IÑAKI WILLIAMS (172)
🥉 Alfredo Di Stefano (171)
🦁🔝 @Williaaams45 overtakes Di Stefano to become the second outfield player with most consecutive appearances in #LaLigaHistory!#KickOut2020#VillarrealAthletic pic.twitter.com/F2uVth8q0t
Athugasemdir