Real hefur verið á miklu skriði að undanförnu eftir erfiða byrjun á tímabilinu.

Markalaust var í hálfleik í kvöld en á 57. mínútu skallaði Casemiro boltann í netið eftir fyrirgjöf frá Marco Asensio.

Federico Valverde komst í dauðafæri um miðjan síðari hálfleik sem Granada bjargaði á elleftu stundu. Gestirnir bitu þó einnig frá sér en tókst ekki að skora.

Asensio átti skemmtilega tilraun með hælnum en boltinn hafnaði í stönginni. Hefði orðið virkilega smekklegt mark hjá Spánverjanum. Frakkinn Karim Benzem gulltryggði síðan sigurinn með smekklegu marki í uppbótartíma.

Lokatölur 2-0 og með sigrinum er Real búið að jafna Atletico Madrid á toppi deildarinnar. Atletico er hins vegar búið að spila tveimur leikjum færra.