Íslenski markvörðurinn Rúnar Alex Rúnarsson átti ekki góðan leik þegar Arsenal tapaði fyrir Manchester City í deildabikarnum í gær, 4-1, á Emirates-vellinum í London.
Rúnar Alex greip í tómt í fyrsta markinu sem Gabriel Jesus skoraði og gerði hann afar slæm mistök þegar Riyad Mahrez kom Man City í 2-1. Mahrez tók aukaspyrnu sem fór beint á Rúnar, en landsliðsmarkvörðurinn missti boltann inn.
Rúnar virkaði mjög óöruggur og Arsenal stuðningsmenn virðast ekki hafa mikla trú á honum lengur.
Það hefur ekki heldur fjölmiðlamaðurinn Henry Winter, sem er mjög virtur í Bretlandi. Hann telur að Rúnar sé á meðal leikmann sem Arsenal eigi að losa sig við.
„Arsenal þarf á því að halda að losa sig við leikmenn, meðal annars Kolasinac, Mustafi, Cedric, Willian, Özil, Xhaka, Sokratis og Rúnarsson," skrifar Winter.
Rúnar Alex er 25 ára gamall en hann gekk í raðir Arsenal frá Dijon í Frakklandi síðasta sumar. Hann er varamarkvörður fyrir Bernd Leno.
Clear-out required at Arsenal including Kolasinac, Mustafi, Cedric (four-year deal 🤔), Willian (three-year deal 🤔), Ozil, Xhaka, Sokratis, Runarsson. Squad imbalanced, recruitment not good enough, need to cut losses on some ... #afc 1/2
— Henry Winter (@henrywinter) December 22, 2020
Athugasemdir
