U21 landsliðsmaðurinn Kolbeinn Þórðarson byrjaði fyrir Lommel þegar liðið mætti RWDM í belgísku B-deildinni í kvöld.
Leikurinn byrjaði ekki vel fyrir Íslendingaliðið Kévin Mayingila Mata skoraði tvö fyrir gestina í RWDM fyrir leikhlé. Lommel fór inn í leikhléið 2-0 undir.
Það var hins vegar vel farið yfir málin í hálfleik og voru Kolbeinn og félagar búnir að jafna metin þegar stundarfjórðungur var liðinn af seinni hálfleiknum.
Á 81. mínútu skoraði hinn 18 ára gamli Manfred Ugalde sigurmarkið fyrir Lommel. Það var Kolbeinn sem átti stoðsendinguna og sigur Lommel staðreynd.
Lommel er í fjórða sæti B-deildarinnar með 24 stig eftir 16 leiki.
Athugasemdir