fös 24. febrúar 2017 19:48
Guðmundur Aðalsteinn Ásgeirsson
Lengjubikarinn: Tveir sigrar í tveimur leikjum hjá ÍA
Tryggvi Hrafn var á skotskónum fyrir ÍA.
Tryggvi Hrafn var á skotskónum fyrir ÍA.
Mynd: Fótbolti.net - Ingunn Hallgrímsdóttir
HK 0 - 2 ÍA
0-1 Tryggvi Hrafn Haraldsson ('33 )
0-2 Steinar Þorsteinsson ('85 )

ÍA er með fullt hús stiga eftir tvo leiki í Lengjubikarnum. Skagamenn leika í Riðli 3 í A-deildinni, en í kvöld mættu þeir HK í Kórnum í Kópavogi.

Tryggvi Hrafn Haraldsson, sem lék á dögunum sinn fyrsta landsleik, kom ÍA yfir eftir rúman hálftíma og staðan var 1-0 í hálfleik.

Leikurinn var heilt yfir frekar jafn, en það voru Skagamenn sem voru glaðari í leikslok. Steinar Þorsteinsson, sem er fæddur árið 1997, bætti við öðru marki þegar fimm mínútur voru eftir af venjulegum leiktíma og gerði þannig út um leikinn.

Lokatölur í Kórnum í kvöld, 2-0 fyrir ÍA. Eins og áður segir þá er ÍA með fullt hús stiga eftir tvo leiki, þeir eru með sex stig á toppi riðilsins. HK tapaði sínum fyrsta leik gegn Þór frá Akureyri og þeir eru því án stiga á botninum.

Markaskorarar af urslit.net
Stöðutaflan
  L U J T ms: mf: mun Stig
0 0 0 0 0 0 0 0 0
Athugasemdir
banner
banner
banner