„Síðasta ár olli vonbrigðum og það sést í augum allra í liðinu að menn ætla sér á EM 2020. Það yrði mikið afrek fyrir alla að komast þangað," sagði Aron Einar Gunnarsson landsliðsfyrirliði á fréttamannafundi á Stade de France.
Ísland mætir Frakklandi annað kvöld í undankeppni EM.
Ísland mætir Frakklandi annað kvöld í undankeppni EM.
„Þeir eru heimsmeistarar af ástæðu. Það er erfitt að finna veikleika í þeirra liði en við höfum skoðað þá vel og horft á upptökur frá þeim."
„Þetta er öðruvísi áskorun en í síðasta leik. Það er ljóst að við verðum ekki með boltann eins mikið og í leiknum gegn Andorra og þurfum að verjast almennilega."
„EM 2016 var okkar fyrsta stórmót og eitthvað sem mun aldrei gleymast á Íslandi. Nú þurfum við að halda áfram og stefnum á að komast á EM 2020."
Leikur Frakklands og Íslands verður 19:45 annað kvöld, mánudagskvöld.
Athugasemdir