Ísland mætir heimsmeisturum Frakka í undankeppni HM 2020 á Stade de France í París annað kvöld en liðið vann fyrsta leikinn í undankeppninni gegn Andorra á föstudagskvöldið 0-2.

„Við ákváðum að halda í boltann, hvíla okkur og spara hlaup undir lokin gegn Andorra. Það hjálpaði okkur helling og við náðum að taka Aron, Alfreð og Jóa snemma útaf. Það var planið að fá sem mest út úr þeim fyrir Frakka leikinn," sagði Freyr.

Þar sem aðeins tveir dagar eru milli leikjanna náði liðið aðeins einni æfingu í París fyrir leikinn annað kvöld en hún fór fram á keppnisvellinum klukkan 16:00 í dag að íslenskum tíma. Freyr segir þó að hann hafi haft nægan tíma til undirbúnings eða síðan dregið var í undankeppninni í lok síðasta árs.

„Ég er búinn að hafa fimm mánuði til að undirbúa mig fyrir Frakkaleikinn og það er allt klárt. Við vorum með mann í Moldavíu að taka þá út og skila okkur skýrslu. við erum gríðarlega vel undirbúnir fyrir leikinn," sagði Freyr en Frakkar unnu Moldavíu 4-0 í sínum fyrsta leik í undankeppninni á föstudaginn.