Levante er að bjarga sér frá falli.
Athletic Bilbao er í góðri stöðu í Evrópubaráttunni eftir mikilvægan 0-1 sigur gegn Leganes í kvöld.
Youssef En-Nesyri, markahæsti maður Leganes á tímabilinu, gerði eina mark leiksins þegar hann skallaði boltann óvart í eigið net eftir hornspyrnu.
Bilbao er í Evrópudeildarsæti eftir sigurinn, fimm stigum frá Meistaradeildarsæti. Leganes er nú átta stigum eftir Bilbao.
Levante skoraði þá fjögur gegn Real Betis og er komið þremur stigum frá fallsæti. Úrslitin koma nokkuð á óvart en Betis hefði getað blandað sér í Evrópubaráttuna með sigri.
Espanyol gerði þá jafntefli við Celta Vigo. Kínverski framherjinn Wu Lei skoraði í fyrri hálfleik en Maxi Gomez jafnaði fyrir fallbaráttulið Celta.
Celta er tveimur stigum fyrir ofan fallsæti á meðan Espanyol er sex stigum frá Evrópusæti.
Leganes 0 - 1 Athletic Bilbao
0-1 Youssef En-Nesyri ('43 , sjálfsmark)
Levante 4 - 0 Real Betis
1-0 Jose Campana ('9 )
2-0 Loren Moron ('32 , sjálfsmark)
3-0 Jose Luis Morales ('56 , víti)
4-0 Coke ('81 )
Espanyol 1 - 1 Celta Vigo
1-0 Wu Lei ('33 )
1-1 Maxi Gomez ('72 )
Athugasemdir
