FC Bayern, Borussia Dortmund, RB Leipzig og Bayer Leverkusen söfnuðu saman 7,5 milljónum evra til að styrkja lið í 3. deild þýska boltans og efstu deild kvenna í baráttunni gegn kórónuveirunni.
Þetta eru félögin sem höfnuðu í fjórum Meistaradeildarsætum þýsku deildarinnar í fyrra.
Milljónirnar skiptast á milli 25 félaga og fær hvert félag því 300 þúsund evrur í sinn hlut.
Nítján félög í 3. deild fá fjárveitingu auk sex félaga í efstu deild kvenna.
FC Bayern og Leverkusen eiga bæði lið í efstu deild kvenna og er Sandra María Jessen á mála hjá Leverkusen sem er í neðri hluta deildarinnar.
Athugasemdir
