Leno gerði hörmuleg mistök sem urðu til þess að Everton tók öll stigin með sér heim af Emirates vellinum.

Ian Wright var sérfræðingur hjá Optus Sport í gær og lét hann Leno heyra það og sagði að hann hafi verið eins og áhugamaður í markinu en ekki atvinnumaður.

„Þú horfir á þetta og þetta lítur mjög barnalega út. Þetta er spurning um einbeitingu," sagði Wright.

„Hann á sínar rispur þar sem hann stendur sig mjög vel. En ég hef séð hann vaða út, brjóta af sér, fá rautt og gefa vítaspyrnur.

„Hann á þessi augnablik og markið hjá Everton er gott dæmi um það. Þetta er rosa, rosa, rosa léleg markvarsla."

Arsenal er í níunda sæti deildarinnar og fjarlægist Evrópusæti. Liðið verður að vinna Evrópudeildina ætli það sér að komast í Meistaradeildina eða ná Evrópusæti yfir höfuð.