Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   lau 24. apríl 2021 11:35
Sæbjörn Þór Þórbergsson Steinke
Kovacic ekki með gegn West Ham og Real Madrid
Mynd: Getty Images
Mateo Kovacic hefur leikið stórt hlutverk á leiktíðinni í liði Chelsea, fyrst undir stjórn Frank Lampard og nú undir stjórn Thomas Tuchel. Hann mun missa af leiknum gegn West Ham í dag og svo leiknum gegn sínum fyrrum félögum í Real Madrid.

Kovacic er að glíma við meiðsli og hefur Tuchel staðfest að króatíski miðjumaðurinn verður ekki með í fyrri leiknum gegn Real. Kovacic meiddist fyrir seinni leikinn gegn Porto og hefur verið frá síðan.

Kovacic hefur byrjað 27 af 37 leikjum liðsins til þessa í úrvalsdeildinni og Meistaradeildinni. Líklegt verður að teljast að Jorginho og N'Golo Kante leysi miðjustöðurnar í fjarveru Kovacic.

Tuchel vonast til þess að Kovacic geti spilað gegn Fulham um næstu helgi.
Athugasemdir
banner
banner
banner
banner