Liverpool og Newcastle United áttust við í ensku úrvalsdeildinni í dag á Anfield.
Mohamed Salah kom Liverpool yfir í fyrri hálfleiknum og þegar allt stefndi í mikilvægan sigur þeirra rauðklæddu þá mætti Joe Willock á svæðið og jafnaði leikinn með lokaskoti leiksins.
Slæm úrslit fyrir Liverpool í baráttunni um Meistaradeildarsæti. Árangur Liverpool á heimavelli á þessu ári er mjög slakur og er liðið nú næstversta liðið á heimavelli í allri ensku deildarkeppninni.
Liðinu hefur einungis tekist að sækja fimm stig af 27 mögulegum á Anfield í deildinni á þessu ári. Aðeins Fulham hefur náð í færri stig en Liverpool á heimavelli.
Þetta gerir einungis 0,44 stig að meðaltali á Anfield á árinu 2021. Áður en að þessu tímabili kom þá hafði Liverpool ekki tapað á heimavelli í deildinni í nokkur ár.
Liverpool have collected just five points (out of a possible 27) at home in the Premier League in 2021, only Fulham have picked up fewer (4) among all 92 teams in England's top four divisions.
— Squawka Football (@Squawka) April 24, 2021
0.44 points/game at Anfield in 2021. 😳 pic.twitter.com/VA07TJfUe3
Athugasemdir