Guardiola stýrir Manchester City sem átti frábært tímabil og á enn möguleika á að gera það enn betra. City varð Englandsmeistari í þriðja sinn á fjórum árum og vann ásamt því deildabikarinn. City er á leið í úrslitaleik Meistaradeildarinnar gegn Chelsea.

Þetta er í annað sinn sem Guardiola vinnur verðlaunin en hann fékk þau einnig 2017/18 þegar City vann ensku úrvalsdeildina með því að setja stigamet; 100 stig.

Guardiola segir að þessi verðlaun tilheyri einnig leikmönnum og starfsmönnum félagsins.

Jurgen Klopp, stjóri Liverpool, vann þessi verðlaun í fyrra þegar hann stýrði Liverpool til sigurs í ensku úrvalsdeildinni, í fyrsta sinn í 30 ár.