Stjórn Serie A hefur verið gagnrýnd harkalega fyrir að gera samning við Sádí-Arabíu í ljósi allra þeirra mannréttindabrota sem líðast í landinu.

„Úrslitaleikurinn verður spilaður í Sádí-Arabíu vegna samninga sem voru gerðir áður en ég var ráðinn hingað. Þetta er síðasta árið sem þessi samningur gildir. Það eru góð samskipti á milli knattspyrnusambanda Sádí-Arabíu og Ítalíu," sagði Dal Pino.

Inter og Juventus mætast í úrslitaleik Ofurbikarsins. Inter rúllaði upp ítölsku deildinni á meðan Juve vann bikarinn.