Það er óhætt að segja að það sé krísa að myndast hjá Stjörnunni eftir afskaplega dapra byrjun í Pepsi Max-deildinni.
Sjá einnig:
Er raunhæft að Stjarnan falli? - „Garðabærinn er í sjokki"
Sjá einnig:
Er raunhæft að Stjarnan falli? - „Garðabærinn er í sjokki"
Það hefur mikið gengið á í Garðabænum í upphafi móts. Rúnar Páll Sigmundsson hætti sem þjálfari Stjörnunnar eftir eina umferð vegna ósættis við stjórn og Þorvaldur Örlygsson tók við keflinu af honum. Stjarnan hefur núna spilað sex leiki í Íslandsmótinu og tapað fjórum þeirra. Leikirnir sem töpuðust ekki enduðu í markalausum jafnteflum.
Stjarnan hefur ekki skorað í fimm af sex leikjum sínum til þessa. Liðið tapaði í kvöld 1-0 fyrir KA en hægt er að lesa um gang mála í þeim leik með því að smella hérna.
„Ef þú ert búinn að skora bara í einum leik, þá þarftu að hafa áhyggjur," sagði Guðmundur Benediktsson í Stúkunni á Stöð 2 Sport í kvöld.
Ólafur Jóhannesson stýrði Stjörnunni með Rúnari Páli Sigmundssyni í fyrra. Hann trúir ekki sínum eigin augum.
„Eins og við erum búnir að segja þá eru þeir í veseni, miklu veseni. Það hjálpar þeim að hafa reynslumikla þjálfara sem taka á svona hlutum, en ég bara trúi þessu ekki. Það er bara þannig. Ég þekki þessa leikmenn og þetta kemur mér mjög á óvart."
Athugasemdir