„Mikil bæting. En við samt fáum á okkur klaufalegt mark sem við þurfum að bæta og skorum alltof seint. Við vorum að mér fannst miklu betri í seinni hálfleik á móti Íslandsmeisturunum og það sýnir að við getum alveg spilað,“ sagði Rúnar Þór Sigurgeirsson vinstri bakvörður Keflavíkur að loknu 1-2 tapi Keflavíkur gegn Val fyrr í kvöld.
Lestu um leikinn: Keflavík 1 - 2 Valur
Rúnar Þór var á dögunum valinn í A-landslið Íslands fyrir komandi verkefni en bakvörðurinn öflugi var viðloðandi U-21 landsliðið síðasta ár en var þó ekki einn af leikmönnum sem hlutu náð fyrir lokakeppni Evrópumóts u-21 í vor. Um valið sagði hann.
„Mikill heiður og sýnir að þjálfarinn hefur álit á mér. Ég veit alveg hvað ég get þó ég hafi kannski ekki sýnt það á tímabilinu en mjög mikill heiður.“
Það kom sumum spánskt fyrir sjónir að Rúnar sem eins og áður sagði er vinstri bakvörður og liðsfélagi hans Ísak Óli Ólafsson miðvörður væru valdir í landsliðið fyrir komandi verkefni sem leikmenn Keflavíkur sem gengið hefur illa í upphafi móts að verja markið sitt og fengið flest mörk allra liða á sig. Um þetta sagði Rúnar:
„Það verða alltaf gagnrýnisraddir og maður þarf bara að taka þeim og ekki láta þær hafa áhrif á sig eins og við sýndum. Við erum að spila við Íslandsmeistarana og erum bara ívið betri heldur en þeir.“
Sagði Rúnar en allt viðtalið má sjá hér að ofan.
Athugasemdir