Terzic tók við til bráðabirgða þegar Lucien Favre var rekinn í desember á síðasta ári.

Terzic byrjaði brösulega en hann endaði tímabilið frábærlega. Hann kom Dortmund í Meistaradeildina og vann þýska bikarinn.

Dortmund er búið að ráða Marco Rose, sem stýrt hefur Borussia Mönchengladbach, til að taka við liðinu fyrir næstu leiktíð. Þrátt fyrir það er Terzic til í að halda áfram að starfa fyrir Dortmund að sögn Goal.

„Núna mun ég fara heim og hafa það gott í nokkra daga," sagði Terzic sem hefur verið orðaður við aðalþjálfarastarfið hjá Eintracht Frankfurt og Wolfsburg.