Thomas Beattie, fyrrum unglingaliðsleikmaður Hull, hefur komið út úr skápnum en hann er aðeins annar breski karlkyns atvinnumaðurinn í fótbolta sem opinberar samkynhneigð sína.
Hinn er Justin Fashanu, fyrrum leikmaður Norwich og Nottingham Forest, sem framdi sjálfsmorð 1998.
Hinn er Justin Fashanu, fyrrum leikmaður Norwich og Nottingham Forest, sem framdi sjálfsmorð 1998.
Beattie sem er 33 ára, var atvinnumaður í fótbolta í tíu ár en hann lék í Bandaríkjunum, Kanada og Singapúr. Hann hefur nú lagt skóna á hilluna og viðurkennir að það hefði verið óþægilegt að koma út úr skápnum á meðan hann var að spila.
„Ég hugsaði aldrei um að koma út úr skápnum á meðan ég var að spila. Mér fannst ég þurfa að fórna öðru hvoru: Því sem ég er eða íþróttinni sem ég elska," segir Beattie sem lék sem sóknartengiliður.
„Ég sagði nánustu vinum mínum og fjölskyldu frá þessu fyrir þremur mánuðum. Í kjölfarið ákvað ég síðan að opna mig alveg um þetta. Ég vil deila minni sögu í þeirri von um að fólk í svipaðri stöðu fái meiri stuðning."
Athugasemdir