Jóhann Berg Guðmundsson er enn á meiðslalista Burnley. Íslenski landsliðsmaðurinn er meiddur á kálfa og verður ekki með liðinu gegn Watford á morgun.
Þetta kom fram á fréttamannafundi Sean Dyche, stjóra Burnley í dag en Chris Wood, Ashley Barnes og Robbie Brady eru einnig á meiðslalistanum.
Þetta kom fram á fréttamannafundi Sean Dyche, stjóra Burnley í dag en Chris Wood, Ashley Barnes og Robbie Brady eru einnig á meiðslalistanum.
Á fundinum fór Dyche meðal annars yfir samningamál leikmanna. Varnarmaðurinn Phil Bardsley hefur skrifað undir nýjan samning og er nú bundinn út næsta tímabil.
Þessi 34 ára leikmaður var að renna út á samningi.
Jeff Hendrick og Aaron Lennon munu ekki skrifa undir nýja samninga og yfirgefa því Burnley núna um mánaðamótin.
Athugasemdir