Newcastle hefur leitast eftir því að styrkja varnarlínuna fyrir komandi átök í ensku úrvalsdeildinni en félagið hefur fylgst með Botman síðasta hálfa árið eða svo.

Ítalska félagið Milan var í bílstjórasætinu um Botman en leikmaðurinn hefur nú ákveðið að ganga í raðir Newcastle.

Sky segir Lille hafa samþykkt 35 milljón punda tilboð Newcastle í Botman sem er 22 ára gamall.

Hann mun halda til Englands í næstu viku og gangast undir læknisskoðun áður en hann skrifar undir langtímasamning við félagið.

Botman var einn besti maður Lille á síðasta ári er liðið vann frönsku deildina.