Wilshere, sem spilar með AGF í Danmörku í dag, ræddi framtíð Bale við talkSPORT í dag en velski landsliðsmaðurinn er með ýmsa möguleika í stöðunni.

Bale verður samningslaus um mánaðamótin en hann sást heimsækja æfingasvæði Cardiff City á dögunum.

Leikmaðurinn ætlar að taka sér tíma í að ákveða framtíð sína en mun að öllum líkindum gera samning fram að heimsmeistaramótinu og leggja síðan skóna á hilluna.

Wilshere var spurður að því hvort hann væri góður kostur fyrir Mikel Arteta hjá Arsenal en hann er ekki viss um það. Hvort Bale myndi íhuga það yfir höfuð eftir að hafa spilað fyrir Tottenham til fjölda ára, er svo annað mál.

„Ég horfi á leikmennina sem myndu spila þessa stöðu og þeir eru allir ungir leikmenn sem hafa verið bestu leikmenn Arsenal síðustu árin. Í fyrsta lagi þá er ég ekki viss um að hann myndi fá að spila og ef hann gerir það þá væri hann að halda aftur einum af þessum leikmönnum," sagði Wilshere.