James skoraði jöfnunarmark á 89. mínútu en Patrick van Aanholt gerði sigurmark Palace í uppbótartíma.

„Við vorum ekki nógu góðir í fyrri hálfleik en leikur okkar skánaði mikið eftir leikhlé. Þeir voru þéttir varnarlega og gerðu okkur mjög erfitt fyrir," sagði James.

„Þegar við gerðum jöfnunarmarkið hélt ég að við myndum skora annað og vinna leikinn. Ég er mjög ánægður með að hafa skorað en finnst eins og við hefðum átt að vinna. Það er mjög svekkjandi að tapa leik sem þú hefur góða stjórn á."

Bæði lið eru með fjögur stig eftir þrjár fyrstu umferðirnar.