Jose Enrique, fyrrum vinstri bakvörður Liverpool, segist ætla að hoppa nakinn ofan í sundlaug ef Liverpool krækir í Kylian Mbappe frá Paris Saint-Germain.
Mbappe verður samningslaus næsta sumar, en samningaviðræður hans við PSG ganga hægt.
Hann hefur verið sterklega orðaður við Real Madrid, en Liverpool hefur einnig brugðið fyrir í slúðurdálkunum.
Enrique er mjög spenntur fyrir þeirri tilhugsun að fá Mbappe í Liverpool. Svo spenntur að hann lofar því að hoppa nakinn ofan í sundlaug ef það gerist.
Hann segist ætla að gera það í beinni útsendingu á Instagram.
Mbappe er 22 ára gamall og hefur verið með betri leikmönnum heims undanfarin ár.
Athugasemdir