Everton er búið að missa af brasilíska framherjanum Matheus Cunha sem hefur valið að ganga í raðir Atletico Madrid.
Cunha er 22 ára gamall og skoraði 8 mörk í 28 leikjum á miklu vonbrigðatímabili hjá Hertha Berlin í þýsku deildinni.
Hann var einn af fáum björtu punktum í liði Hertha og vakti athygli á sér. Atletico greiðir 30 milljónir evra fyrir leikmanninn sem verður kynntur á næstu dögum samkvæmt Fabrizio Romano.
Cunha er lykilmaður í U23 liði Brasilíu þar sem hann hefur skorað 21 mark í 24 leikjum. Hann skoraði meðal annars í úrslitaleik Ólympíuleikana þar sem Brasilía lagði Spán að velli 2-1.
Cunha mun núna spila fyrir Spánarmeistarana. Þar mun hann mynda skemmtilega framlínu ásamt Joao Felix og Luis Suarez.
Athugasemdir